Bəy toyda gəlinin başına alma atdı

Ərzurumda toyda lentə alınan görüntülər sosial mediada müzakirələrə səbəb olub.

Sonxeber.az türk mediasına istinadən xəbər verir ki, görüntülərdə mənzilin birinci mərtəbəsində olan bəyin aşağıda gözləyən gəlinin başına alma atdığı görünür. Gəlinin başında qırılan alma onun da narazılığına səbəb olub. .

Gəlinin alma ilə vurulduqdan sonra başını tutması onun ağrıdığını açıq şəkildə göstərib.

Bu vaxt bəyin ətrafında olan kişilər gülərək onu qucaqlayıblar.

Məişət zorakılığının çox yayıldığı bu dövrdə görüntülər bir daha qadınlara qarşı "zorakılığın normallaşdırıldığını" gündəmə gətirib. Sosial şəbəkə istifadəçiləri adət-ənənə adı altında həyata keçirilən bu ritualların dəyişməli olduğunu bildiriblər.

Telegramda izləyin