Müştərilər supermarketlərdə ananasın köməyi ilə SEVGİLİ AXTARIRLAR - FOTO

İspaniyada subay insanlar axşam saat 7-8 arası supermarketə gəlirlər. Həmin supermarketlərə isə ananasın köməyi ilə münasibət qurmaq üçün gəlirlər. Həmin anlar isə "TikTok" sosial şəbəkəsində trend olub.

Sonxeber.az xəbər verir ki, bu barədə "Sky News" saytı məlumat yayıb. Bildirilib ki, Bilbao şəhərində supermarket işçiləri polisə müraciət etməli olublar. Çünki axşam vaxtı supermarketdə izdiham yaranıb və müştərilər az qala hər yeri dağıdıblar. Polislər gələnə qədər supermarketə gələn insanlar oradan uzaqlaşıblar. Bu baxımdan heç kim həbs olunmayıb.

Hadisə yerində olan jurnalistlərin sözlərinə görə, həmin vaxtlarda supermarketə ancaq subaylar gəlir. Arabalarına ananas qoyurlar, sonra özlərinə uyğun insanlar axtarmağa başlayırlar. Əgər kimisə bəyənirlərsə, arabanı itələyirlər. Bununla da onlar həmin şəxsin diqqətini çəkmiş olurlar. Əgər kimisə bəyənirlərsə, arabanı itələyirlər. Bildirilir ki, hisslər qarşılıqlıdırsa, həmin şəxs arabanı itələməklə cavab verə bilər yaxud sadəcə söhbətə başlaya bilər.

Bundan əlavə arabda olan digər məhsullar belə həmin insanların hisslərini ifadə edə bilər. Məsələn, arabada şokolad və ya konfet varsa, bu o deməkdir ki, həmin şəxs ciddi münasibət axtarır. Ancaq paxlalı bitkilərin yaxud salatın olması alıcının daha "gündəlik" bir şeylə maraqlandığını göstərə bilər.

Supermarket isə bu tendensiyaya cavab olaraq TikTok-da ananasın şəklini yerləşdirib: "Rəfdəki bu ananas özünə yoldaş axtarır".

Artıq bu ananas dəbi o qədər populyarlaşıb ki, supermarketlərdə ananas tapmaq müşkül məsələyə çevrilib.

Telegramda izləyin