Tramp: "Kamala Harris anadangəlmə əqli qüsurludur"

ABŞ-də preizdentliyə namizəd Donald Tramp rəqibi Kamala Harrisin "əqli cəhətdən qüsurlu" olduğunu deyib.

Sonxeber.az xəbər verir ki bu barədə "CNN" saytı məlumat yayıb. Belə ki, Tramp seçki kampaniyası zamanı bir çox xəbərdarlıqlara və tənqidlərə baxmayaraq rəqibi Harrisə qarşı aşağılayıcı bəyanatlar verməkdə davam edir.

Pensilvaniya ştatında keçirilən mitinqdə çıxışı zamanı açıqlaması ilə bu ifadələrə yer verib:

"Co Bayden əqli cəhətdən qüsurludur. Amma dürüst olmaq lazımdır. Əfsuslar olsun ki, Kamala Harris anadangəlmə belədir".

Trampın tərəfdarları onun rəqibinə qarşı açıqlamalarından narahat olduqlarını bildirib. Trampın aparıcı müttəfiqlərindən olan respublikaçı senator Lindsey Qraham CNN proqramında Harrisin "zehni cəhətdən qüsurlu" olduğunu düşünmədiyini, onun "dəli liberal" olduğunu deyib.

Telegramda izləyin