Ana nalayiq görüntülər paylaşdı, qəyyumluq ataya verildi

Bursada N.K adlı qadın 2 yaşlı oğlunun adına açdığı sosial media hesabında nalayiq görüntülər paylaşıb.

Sonxeber.az türk mediasına istinadən xəbər verir ki, qadın uşağını əmizdirərkən çəkdiyi nalayiq şəkilləri sosial mediaya yükləməyə və təxminən 5 min lirə abunə haqqı qarşılığında onları izləmək istəyənlərə satmağa başlayıb.

Hadisədən sonra qadının keçmiş həyat yoldaşı Serdar A. -nın şikayəti ilə istintaq başladılıb.

Serdar A. oğlunu almaq üçün polis və pedaqoqun müşayiəti ilə keçmiş həyat yoldaşının evinə gedib. Lakin onlar evdə heç kimi tapa bilməyiblər.

Serdar A. övladının qaçırıldığı barədə cinayət işi qaldırıb.

Məhkəmə ehtiyat tədbiri olaraq uşağın qəyyumluğunu ata Serdar A.-ya verib.

N.K.isə polisə oğlu ilə tətilə getdiyini və narahat olunmamaq üçün mobil telefonunu söndürdüyünü bildirib.

Qadın: "Qərardan xəbərim var, amma keçmiş həyat yoldaşım mənə zəng etməyib ki, uşağımızı götürsün", - deyə bildirib.

Faktla bağlı araşdırmalar davam edir.

Telegramda izləyin