Təcavüzə məruz qalan 15 yaşlı qızın ailəsi görün nə etdi

Esenyurtda 15 yaşlı qıza qarşı təcavüz qalmaqalı məhəllədə gərginliyə səbəb olub.

Sonxeber.az türk mediasına istinadən xəbər verir ki, hadisə axşam saatlarında Turqut Özal məhəlləsində çiy köfte satılan dükanda baş verib. Belə ki, məkana gələn 15 yaşlı qız, satıcı K.A tərəfindən zorakılığa məruz qalıb.

Qız evə gedərək vəziyyəti ailəsinə danışıb. Bundan sonra onun qohumları dükana gedərək K.A-nı döyüblər.

Məhəllə sakinləri tərəfləri ayırmağa çalışsa da bacara bilməyib, məcbur polisə məlumat veriblər.

Hadisə yerinə polisin gəldiyini görən şübhəli dükana qaçaraq gizlənib və bütün qapıları kilidləyib.

Polisin müdaxiləsinə baxmayaraq qızın yaxınları iş yerinin qapısını qıraraq şübhəlini döyməyə davam edib.

Polis kütləni çətinliklə dağıdıb. Hadisə zamanı xəsarət alan K.A təcili tibbi yardım maşını ilə əvvəlcə xəstəxanaya, sonra isə polis bölməsinə aparılıb.

Hadisə ilə əlaqədar başladılan istintaq davam edir.

Telegramda izləyin