"Kukla" ləqəbli silsilə qatil saxlanıldı

Kolumbiyada "Kukla" ləqəbli 23 yaşlı qadın silsilə qətllər və keçmiş sevgilisinin öldürülməsi ilə əlaqədar həbs edilib.

Sonxeber.az xarici mediaya istinadən xəbər verir ki, "Kukla" ləqəbli 23 yaşlı Karen Rodriges pul mübahisəsini həll etmək bəhanəsi ilə keçmiş sevgilisi Deyvi İsaya zəng edib. İsa görüş yerinə çatarkən motosikletli iki qatil tərəfindən vurularaq öldürülüb. Qətldən sonra polis qrupları Rodrigesi izləməyə başlayıb.

Rodriqes əməliyyat zamanı iki dostu ilə birlikdə yaxalanıb. Polis həbs zamanı iki silah ələ keçirib. Bu silahların qətllərdə istifadə edilib-edilməməsi araşdırılır.

Digər tərəfdən, xəbər mənbələri gənc qadının həbs olunmazdan əvvəl bölgədə terror törədən bir qrupa başçılıq etdiyini və bir sıra qətllər törətdiyini bildirib.

Polis hadisə ilə bağlı araşdırmalarını davam etdirir.

Telegramda izləyin