Halüsinasiya görən kişi restoranda sevgilisini girov götürdü - VİDEO

İstanbulun Fatih şəhərindəki restoranlardan birində ispaniyalı turist halüsinasiyalar görüb və sevgilisini girov götürüb.

Sonxeber.az türk mediasına istinadən xəbər verir ki, hadisə ötən gün saat 23.50 radələrində Fatih Küçük Ayasofya səmtindəki bir restoranda baş verib. Bir şəxsin qadını girov götürdüyü xəbərini alan polis əraziyə gedib.

Hadisə yerinə gələn polis qrupları bir müddət sonra kişini qadını buraxmağa razı salıb. Sakitləşdirən S.B.Ş. adlı ispan turist (21) tutulub. O polis idarəsinə aparılıb, E.G.F (33) adlı qadın ehtiyat tədbiri olaraq xəstəxanaya yerləşdirilib.

Polisin apardığı araşdırmada onların ölkəyə turistik məqsədlə gəldiklərini, S.B.Ş-nin hadisə zamanı dərmanlarını qəbul edə bilmədiyi üçün hallüsinasiya gördüyünü və bu səbəbdən bu əməli törətdiyini öyrənib.

Haqqında 'azadlıqdan məhrum etmə və hədələmə' maddəələri ilə istintaq başladılan S.B.Ş-nin cinayət işi davam etdirilir.

Telegramda izləyin