Bu məşhur şəxsin meyiti həbsxanadan tapıldı

2012-ci ildə işgəncələrə məruz qaldığı üçün xaricə gedən suriyalı fəal Mazen Həmadi 2020-ci ildə Suriyaya qayıtdıqdan sonra qəfil yoxa çıxıb.

Sonxeber.az xarici mediaya istinadən xəbər verir ki, Həmadinin meyiti Əsədin işgəncə bazası kimi tanınan Sednaya həbsxanasında tapılıb. Həmadinin işgəncə nəticəsində öldüyü müəyyən edilib.

2012-ci ilin martında rejim əleyhinə nümayişlərdə iştirak etdiyinə görə həbs edilən Həmadi dəhşətli işgəncələrə məruz qalıb. 1,5 il həbsdə olan və bu müddət ərzində dəfələrlə işgəncələrə məruz qalan məşhur fəal 2013-cü ilin sentyabrında azadlığa çıxıb və başına gələnləri danışmaq üçün Hollandiyaya gedib. Hamadi əfv olunacağına söz verildikdən sonra ölkəsinə qayıdıb.

Ölkəsinə qayıdan kimi saxlanılan Mazen Hamadinin meyiti bu gün Sednaya həbsxanasında aparılan axtarış zamanı tapılıb. Həmadinin ağır işgəncələr nəticəsində öldüyü müəyyən edilib.

Telegramda izləyin