Uşağın sahildə tapdığı qəribə daşın neandertal baltası olduğu ortaya çıxdı - FOTO

İngiltərədə çimərlikdə gəzən 9 yaşlı uşağın maraqlı olduğu üçün evə apardığı daşın 60 min illik neandertal baltası olduğu ortaya çıxıb.

Sonxeber.az xarici mediaya istinadən xəbər verir ki, bu əsər hazırda İngiltərənin cənubundakı bir muzeydə nümayiş etdirilir. Mütəxəssislər deyirlər ki, bu tapıntı o qədər nadirdir ki, hətta əksər ekspert arxeoloqlar belə bir şey tapa bilmirlər.

İngiltərənin cənubunda muzeyə gələn 9 yaşlı uşaq tanış bir şey görüb. Uortinq Muzeyinin Daş dövrü sərgisində nümayiş etdirilən kiçik baltalar onun bir neçə il əvvəl Qərbi Susseksdəki Shoreham çimərliyində oynayarkən tapdığı parlaq, oyma daşına bənzəyirdi.

Ben Witten adlı oğlan tapıntısını muzeyə aparıb. Mütəxəssislər bu daşın Neandertal əl baltası olduğunu və 40-60 min il əvvəl nəsli kəsilmiş bir insan növü tərəfindən oyulmuş olduğunu müəyyən etdilər.

Witten tapdığı daşın tarixi əhəmiyyətə malik ola biləcəyini başa düşdükdən sonra o, və anası Emma Witten daşın fotoşəkillərini Uortinq Muzeyinin arxeologiya kuratoru Ceyms Saynsberiyə elektron poçtla göndərib.

Witten əl baltasını fevral ayına qədər sərgilənəcəyi Uorting Muzeyinə borc verdi. Sonra balta Witten və ailəsinə qayıdacaq.

Vüsalə İbrahimli

Telegramda izləyin