Forbes-in "Dünyanın ən güclü 100 qadını" siyahısına Türkiyədən yalnız bir ad daxil olub - VİDEO

Forbes jurnalının hazırladığı dünyanın ən güclü qadınları siyahısında yeganə türk adı Gülər ​​Sabancı olub. Sabancı Holdinqin ilk qadın meneceri Gülər ​​Sabancı siyahıda 80-ci yerdə qərarlaşıb.

Sonxeber.az xarici mediaya istinadən xəbər verir ki, Forbes Sabancının karyerasına diqqət çəkərkən onun Sabancı Universitetinin qurucu prezidenti və Sabancı Fondunun prezidenti kimi Türkiyədə sosial məsuliyyət layihələrinə rəhbərlik etdiyini vurğuladı.

Bundan əlavə, onun Avropa Sənaye Dəyirmi Masasının (ERT) ilk qadın üzvü olması və MIT Enerji Təşəbbüsünün Xarici Məsləhət Şurasındakı rolu diqqətəlayiq detallar arasında idi.

Siyahının ilk dörd pilləsində siyasi səhnənin önəmli adları öz izini qoyub. Siyahının başında Avropa Komissiyasının sədri Ursula fon der Leyen, ikinci yerdə Avropa Mərkəzi Bankının sədri Kristin Laqard, üçüncü yerdə İtaliyanın baş naziri Giorgia Meloni, dördüncü yerdə isə Meksika prezidenti Klaudiya Şeynbaum qərarlaşıb.

GM-in baş icraçı direktoru Meri Barra biznes kateqoriyasında beşinci yerdə qərarlaşıb. Onun ardınca Accenture-un baş direktoru Julie Sweet və Elevance-in baş direktoru Gail Boudreaux gəlir. Gülər ​​Sabancı uzun illər bu kateqoriyadakı yerini qoruyub. Digər tərəfdən, siyahıya Yaxın Şərqin ən böyük holdinglərindən birinin icraçı direktoru Raja Easa Əl Qurq da daxil edilib.

Vüsalə İbrahimli

Telegramda izləyin