Aylar sonra gün işığı görən şəxsin görüntüləri viral oldu - VİDEO

Suriyada Baas rejiminin dağılması və Bəşər Əsədin Rusiyaya qaçmasından sonra on minlərlə insanın işgəncələrə məruz qaldığı Suriya həbsxanaları müxalifətçilərin əlinə keçib.

Sonxeber.az xarici mediaya istinadən xəbər verir ki, sağ qalmağı bacaran siyasi məhbuslar illər sonra azad edilərkən, Sednaya və digər yeraltı həbsxanalarda "insan kəsimi" adlanan işgəncələrə məruz qalanların cəsədləri Dəməşq xəstəxanasının meyitxanasına gətirilib.

Beynəlxalq agentliklərin çəkdiyi görüntülər qan dondursa da, illərdir yaxınlarından xəbər ala bilməyən suriyalılar yaxınlarının izlərini axtarmaq üçün həbsxanalara axışıblar. Günlərdir Suriyadakı işgəncə mərkəzlərində sağ qalan mülki şəxslərin hekayələri həm Türkiyə, həm də xarici mediada yer alıb.

ABŞ-ın CNN İnternational kanalının tanınmış müxbiri Clarissa War Suriya ilə bağlı son hadisələri xəbər verən bölgədəki həbsxanalardan birində olarkən 3 aydır pəncərəsiz kamerada saxlanılan suriyalının sərbəst buraxılmasının şahidi olub.

CNN kameralarına düşən görüntülərdə yerdə yorğan altında gizlənən şəxs müxalif qüvvələrdən biri ona yaxınlaşaraq yorğanın altından çıxıb əllərini havaya qaldıraraq qorxu içində ətrafdakı insanlara baxıb və atəş açmamaqları üçün yalvarıb.

Kişi əli titrəyərək ona təklif olunan suyu içir və sonra ətrafdakılar onun qollarından tutaraq havaya çıxardır. Məhbus 3 aydır pəncərəsiz kamerada saxlandığını izah edir, bayıra çıxıb səmanı görəndə kinayəli gülümsəyərək baxır və "Aman Allahım, işıq" deməsi eşidilir.

Vüsalə İbrahimli

Telegramda izləyin