Hovuzda əylənərkən ölümlə üz-üzə gəlib - VİDEO

Sosial şəbəkələrdə paylaşılan video qısa zamanda viral olub.

Sonxeber.az xarici mediaya istinadən xəbər verir ki, görüntülər Sinqapurda bir binanın üzərində yerləşən hovuzdakı təhlükəli anları üzə çıxarıb.

Çox hündürlükdə yerləşən hovuzda şişmə çarpayıda istirahət edən və adı açıqlanmayan qadın bir anlıq ehtiyatsızlıq nəticəsində müvazinətini itirib.

Üzmə çarpayıdan sürüşərək hovuzun kənarına düən qadın yıxılmaqdan çətinliklə xilas olub. Lakin şişmə çarpayı metrlərlə hündürlükdən aşağı düşüb.

Hadisə ilə bağlı lentə alınan görüntülər sosial mediada çoxlu şərh və bəyənmə alıb. Sosial şəbəkə istifadəçilərindən biri "O, həqiqətən də yaxşı qurtarıb" yazarkən, başqa bir istifadəçi "əylənərkən az qala öləcəkdi" şərhini yazıb.

Vüsalə İbrahimli

Telegramda izləyin