12 arvaddan 102 uşağı olan kişi övladlarını tanıya bilmir - VİDEO

Dünyanın bir çox ölkəsi doğum nisbətlərinin aşağı düşməsi və əhali problemi ilə mübarizə apararkən, Uqandadan gələn bir xəbər dünya gündəmini bomba kimi düşdü.

Sonxeber.az xarici mediaya istinadən xəbər verir ki, Şərqi Uqandanın Mukiza kəndində yaşayan Musa Hasahya Kasera 12 arvadından cəmi 102 uşağı olduğunu açıqlayıb.

70 yaşlı Musanın uşaqlarının sayı o qədər artıb ki, onların adlarını xatırlamaqda çətinlik çəkir. Çözüm olaraq, kişi bütün övladlarının adlarını dəftərə qeyd edib və hazırda 578 nəvənin babası olduğu da bildirilir.

Həyat yoldaşlarının hər birindən orta hesabla 8-9 uşağı olan Musa bu qədər böyük ailəni dolandırmaqda və aclıq, məhdud imkanlarla mübarizə aparan ailə əsas ehtiyaclarını qarşılamaqda çətinlik çəkir.

Musa sosial mediada paylaşdığı hekayəsində ilk dəfə 1972-ci ildə cəmi 17 yaşında ikən evləndiyini açıqlayıb. Bu illər ərzində 12 qadınla ailə quran Musa uşaq sayı nəzarətdən çıxanda arvadlarına kontraseptiv həblər verməyə başlayıb.

Musa etiraf edib ki, "Bu qədər uşaq sahibi olduğum halda özümü necə dolandıracağımı heç düşünməmişdim. Zamanla ailənin böyüklüyü nəzarətdən çıxdı". İndi o, bu böyük ailənin əsas ehtiyaclarını ödəmək üçün mübarizə aparır.

Yerli rəsmilər Musanın hekayəsinin Uqandada ailə planlaması və təhsil ehtiyacına diqqətdə saxladığını deyirlər. Ölkədə çoxarvadlılıq adi hal olsa da, belə böyük ailəyə sahib olmaq olduqca nadirdir.

Vüsalə İbrahimli

Telegramda izləyin