Monteneqroda 3 günlük matəm elan edildi

Monteneqronun keçmiş paytaxtı Çetinye şəhərində törədilmiş qətliamla əlaqədar bu ölkədə matəm elan edilib.

"Qafqazinfo" Rusiya KİV-nə istinadən xəbər verir ki, Monteneqro hökuməti hadisə ilə əlaqədar fövqəladə onlayn iclas keçirib.

İclasdan sonra 2, 3 və 4 yanvar tarixlərinin ölkədə matəm elan edildiyi bildirilib.

Ölkənin Baş naziri Miloyko Spayiç tibb mərkəzindən televiziya ilə canlı çıxış edərək hadisəni "dəhşətli faciə" adlandırıb.

Qeyd edək ki, ilkin araşdırmalardan sonra qətliamda şübhəli bilinən şəxsin keçmişdə qanunsuz silah saxlamağa görə saxlanılan 45 yaşlı Atso Martinoviç olması müəyyənləşib. Hadisədən sonra o özünü də güllələyib.

Məlum olub ki, A.Martinoviç barda mübahisə etdikdən sonra evinə gedərək silah götürüb. O, geri qayıdaraq bar sahibini və həmin şəxsin ailə üzvlərini güllələyib. Həmçinin küçədə digər şəxslərə də atəş açıb.

Hadisə nəticəsində A.Martinoviç daxil olmaqla 12 nəfər həlak olub, 4 nəfər isə yaralanıb.

Telegramda izləyin