"Təyyarənin qara qutusunun yanvar ayının sonlarına doğru Braziliyada açılması nəzərdə tutulub" - AÇIQLAMA

Dekabrın 25-də Bakı-Qroznı reysi ilə uçmalı olan sərnişin təyyarəsi Qazaxıstanda qəzaya uğrayıb, 40-a yaxın adam həlak ollub, 20-dən çox yaralı var.

Qeyd edək ki, AZAL-ın Qazaxıstanda qəzaya uğrayan təyyarə ilə bağlı Prezident İlham Əliyev AzTV-yə müsahibə verib.

Hazırda hadisə ilə bağlı başladılan beynəlxalq araşdırma davam edir.

Bəs görəsən təyyarə qəzası ilə bağlı araşdırma ədalətli nəticə ilə yekunlaşacaqmı?

Mövzu ilə bağlı politoloq Tural İsmayılov Sonxeber.az – a açıqlama verib:

"Nəzərə almaq lazımdır ki, təyyarə qəzası mütləq obyektiv araşdırılmanı tələb edən bir məsələdir. Amma təəssüflər olsun ki, qəza baş verən ilk günlərdə Rusiya tərəfi hadisənin öz səhvi ucbatından baş verdiyini görməzdən gəlməyə çalışdı və üzr məsələsində də iki gün səssizlik nümayiş etdirdi. Eyni zamanda Rusiya istəyirdi ki, beynəlxalq ekspertlər olmadan dar çərçivəli, məhdud sayda komanda ilə prosesi nəzarətə götürsün. Amma Azərbaycan tərəfinin səyləri nəticəsində bu gün hadisə ilə bağlı beynəlxalq araşdırma aparılır. Eyni zamanda, Azərbaycan tərəfindən də cinayət işi qaldırılıb. İstintaq davam etdirilir. Təyyarənin qara qutusunun yanvar ayının sonlarına doğru Braziliyada açılması nəzərdə tutulub. Əlbəttə ki, həmin beynəlxalq araşdırma qrupun tərkibində Azərbaycandan da nümayəndə var. Bu da onu deməyə əsas verir ki, təyyarə qəzası ilə bağlı araşdırmaların ədalətli bir nəticəsi elan olunacaq. İlk gündən prezident İlham Əliyev vurğulayıb ki, bütün nəticələr cəmiyyətə aydın şəkildə açıqlanacaq. Həmçinin, Rusiyanın hadisədə günahkar olduğu da ilk gündən məlum oldu və ictimaiyyətlə paylaşıldı. Rusiya beynəlxalq aləmə obyektiv rəy ötürməyə bilər, amma hesab edirəm ki, Azərbaycan tərəfindən bütün nəticələr ictimaiyyətə açıqlanacaq".
Çiçək Sadatova

Telegramda izləyin