Azərbaycanda daha bir qurumda 400-ə yaxın əməkdaş İŞDƏN ÇIXARILIB - Səbəb nədir?

Azərbaycanda daha bir qurumda 400-ə yaxın əməkdaş İŞDƏN ÇIXARILIB - Səbəb nədir?Hidrogeoloji-Meliorativ Xidmət İdarəsi ləğv olunduğu üçün 400-ə yaxın əməkdaş işdən azad edilib.

Bu barədə Oxu.Az-a işdən azad olunan əməkdaşlardan biri məlumat verib.

O bildirib ki, analıq məzuniyyətində olan, həmçinin şəhid ailəsinin üzvü olan əməkdaşlar da qurumdan çıxarılandan sonra işlə təmin edilməyiblər:

"Hidrogeoloji-Meliorativ Xidmət İdarəsi 1978-ci ildə yaradılıb, 2022-ci ilə qədər öz axarında işini davam etdirirdi. İdarə daha sonra Suların İstifadəsinə və Mühafizəsinə Dövlət Nəzarəti Xidməti ilə birləşdirildi. İdarənin adı da Hidrogeoloji-Meliorativ Xidmət və Suların İstifadəsinə və Mühafizəsinə Dövlət Nəzarəti İdarəsi oldu. Lakin idarə 2024-cü ilin avqust ayında ləğv edildi. Suların İstifadəsinə və Mühafizəsinə Dövlət Nəzarəti İdarəsi onun tərkibindən ayrıldı, Hidrogeoloji-Meliorativ Xidmət isə tək qaldı.

Su Ehtiyatları Agentliyi yaradıldıqda onun nəzdində Su Meliorasiya qurumu və Suların İstifadəsinə və Mühafizəsinə Dövlət Nəzarəti İdarəsi fəaliyyət göstərirdi. Hidrogeoloji-Meliorativ Xidmət İdarəsi isə Su Meliorasiya qurumunun daxilində idi, çünki biz də yeraltı sulara nəzarət edirdik. Suların İstifadəsinə və Mühafizəsinə Dövlət Nəzarəti İdarəsi baş idarə olduqdan sonra 2024-cü ilin dekabrın 29-da Hidrogeoloji-Meliorativ Xidmət İdarəsi ləğv edildi. O, Suların İstifadəsinə və Mühafizəsinə Dövlət Nəzarəti İdarəsinin tabeliyinə verildi. Təhvil-təslim işləri görüldü. İşçilərin isə işinə xitam verildi.

İndi isə SEDAM MMC adlı yeni idarə yaradılıb".
Azərbaycanda daha bir qurumda 400-ə yaxın əməkdaş İŞDƏN ÇIXARILIB - Səbəb nədir?"İşçilərin hamısı Əmək Məcəlləsinin 70-ci maddəsinin "a" bəndinə əsasən işdən azad edilib. Sanki bina söküldü, hamı çöldə qaldı. 400-ə yaxın əməkdaş işdən azad edilib. Bizə öncədən gələn xəbərdarlıqdan iki gün sonra "idarənin ləğvi ilə işinizə xitam verildi" məzmunlu sənəd gəldi, hamıya da ona imza çəkdirilib. Əksəriyyətin məzuniyyət və kompensasiya pulu ödənilib. Lakin 40-a yaxın işçinin kompensasiya pulu ödənilməyib. Biz də belə güman edirik ki, kompensasiyası ödənilən işçilər yenidən işə çağırılmayacaqlar, ödənilməyənlər isə işə çağırılacaqlar. Bütün hər şey sənədləşmiş formada olduğu üçün heç kim də haqqını tələb edə bilmir. İdarəni niyə ləğv etmişik, bilmirik", - deyə işçi bildirib.
Azərbaycanda daha bir qurumda 400-ə yaxın əməkdaş İŞDƏN ÇIXARILIB - Səbəb nədir?Məsələ ilə bağlı Oxu.Az-ın Azərbaycan Dövlət Su Ehtiyatları Agentliyinə sorğusuna cavab olaraq bildirilib ki, işçilərin bir qisminin agentliyin tabeliyindəki digər struktur bölmələrində işlə təmin olunması nəzərdə tutulur:

"Azərbaycan Respublikasının Prezidentinin "Azərbaycan Dövlət Su Ehtiyatları Agentliyinin fəaliyyətinin təmin edilməsi ilə bağlı bir sıra tədbirlər haqqında" 17 noyabr 2023-cü il tarixli Fərmanına əsasən, "Azərsu" ASC-nin çevrilmə formasında yenidən təşkili yolu ilə "İri Şəhərlərin Birləşmiş Su Təchizatı Xidməti" publik hüquqi şəxsi və "Azərbaycan Meliorasiya və Su Təsərrüfatı" ASC-nin çevrilmə formasında yenidən təşkili yolu ilə "Regional Su Meliorasiya Xidməti" publik hüquqi şəxsi yaradılıb.

Azərbaycan Dövlət Su Ehtiyatları Agentliyinin 29 may 2024-cü il tarixli əmri ilə "İri Şəhərlərin Birləşmiş Su Təchizatı Xidməti" PHŞ və "Regional Su Meliorasiya Xidməti" PHŞ-nin strukturu və ştat cədvəli təsdiq edilib.

Aparılan islahatlar idarəetmə sistemini təkmilləşdirmək, qurumların və personalın fəaliyyətini optimallaşdırmaq, əmək resurslarından səmərəli istifadə etmək məqsədi daşıyır.

İslahatlar çərçivəsində yeni struktur bölmələri formalaşdırılır, bəzi şöbələr ləğv edilib birləşdirilir ki, bu da müasir tələblərə uyğun idarəetmə sisteminin qurulması ilə səmərəliliyin artırılmasına xidmət edir".

Qanunvericiliyin tələblərinə əsasən, bu müddətdə bütün işçilərə xəbərdarlıq məktubları təqdim olunur, ştat cədvəli, işçilərin ixtisasları və təcrübələri nəzərə alınmaqla onlar müsabiqə əsasında yenidən işə qəbul olunurlar. İşçilərin bir qisminin agentliyin tabeliyindəki digər struktur bölmələrində işlə təmin olunması nəzərdə tutulur".

Xatırladaq ki, daha öncə Qarabağ Regional Təhsil İdarəsində 53 əməkdaş (metodist), Lənkəran-Astara Regional Təhsil İdarəsində 18 əməkdaş (metodist), Azərbaycan İdman Akademiyasında da xeyli sayda əməkdaş vəzifəsindən azad edilib.


Sonxeber.az
Telegramda izləyin
Sosial   Baxılıb: 3299   Tarix: 21 yanvar 2025  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Süni intellekt YouTube-a giriş edən 18 yaşdan aşağı uşaqları müəyyənləşdirəcək

Google YouTube-da istifadəçilərin yaşını təyin edərək uşaqların yetkin kontentə girişini qarşısını almaq məqsədilə süni intellekt texnologiyasından istifadə edəcək. Şirkət hazırda yeni funksiya üzərində işləyir və bu funksiya 2025-ci ildə istifadəyə verilməyi planlaşdırılır. xəbər verir ki, bu barəd

14 fevral
.

Ağdamda yük maşını minaya düşüb - BİRGƏ MƏLUMAT

Ağdam rayonunda mina hadisəsi baş verib. xəbər verir ki, Daxili İşlər Nazirliyi, Baş Prokurorluq və Azərbaycan Minatəmizləmə Agentliyi (ANAMA) birgə məlumat yayıb. Bildirilib ki, Ağdam rayonunun əvvəllər işğal olunmamış Ayaq Qərvənd kəndi ərazisindən keçən Xaçın çayının hövzəsində 2025-ci il 14 fevra

14 fevral
.

Güclü qar yağacaq, yollar buz bağlayacaq - Sabahın HAVASI

Fevralın 15-də gözlənilən hava şəraiti açıqlanıb. Milli Hidrometeorologiya Xidmətindən -a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə arabir yağış yağacağı ehtimalı var

14 fevral
.

Bakıda küçədə halı pisləşən iki nəfər ölüb

Bakıda küçədə halı pisləşən iki nəfər vəfat edib. xəbər verir ki, 1976-cı il təvəllüdlü Tovuz rayonu, Aşağı Ayıblı kənd sakini F.Cəfərov Nərimanov rayonu, Həsən Əliyev küçəsi 115 ünvanının qarşısında ölüb. Bundan başqa, 1966-cı il təvəllüdlü, tüfeyli həyat tərzi yaşayan E.Əhmədov vəziyyətinin pis olmas

14 fevral
.

COVID karantinləri uşaqlarda mühüm istedadı məhv edib?

COVID-19 pandemiyası zamanı tətbiq edilən karantin tədbirlərinin uzunmüddətli təsirləri hələ də araşdırılır. Yeni bir tədqiqat bu məhdudiyyətlərin xüsusilə azyaşlı uşaqlarda sosial idrakın inkişafına mənfi təsir etdiyini ortaya qoyub. Sosial idrak və onun əhəmiyyəti. Qaynarinfo "Scientific Research"

13 fevral
.

Ayın sonlarında Bakıya qar yağacaq?

Növbəti günlərdə hava şəraitinin dəyişməsi, qeyri-sabit keçməsi gözlənilir. xəbər verir ki, bunu Milli Hidrometeorologiya Xidmətinin rəisi Nazim Mahmudov "Ekspert saatı"nda deyib. Onun sözlərinə görə, ölkəyə şimaldan soyuq hava kütləsi daxil olacaq:. "Ayın sonlarına yaxın Bakı və Abşerond

14 fevral
.

Bu uşaqlara təhsilinə görə birdəfəlik müavinət veriləcək

Valideynlərini itirən uşaqların təhsil üzrə təminatları qaydası dəyişir. xəbər verir ki, bu, Milli Məclisin bu gün keçirilən plenar iclasında müzakirəyə çıxarılan "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında" qanuna təklif edilən dəyişiklikd

14 fevral
.

Məktəbin şagirdləri danışdı: Həmin yerdə çox vaxt davalar olur

Bakının Suraxanı rayonu, Hövsan qəsəbəsində bir qrup məktəblinin əlbir olaraq digər şagirdə qarşı zorakılıq etməsi barədə xəbər vermişdik. -ın məlumatına görə, şagirdə qarşı zorakılığın baş verdiyi ərazidə tez-tez belə hallar baş verirmiş. Bunu "Xəzər Xəbər"ə açıqlamasında məktıblilər bildiriblər

14 fevral
.

General yüksək vəzifəyə təyin edildi

Dövlət Gömrük Komitəsinin rəisi Şahin Bağırova yeni müavin təyin edilib. -a istinadən xəbər verir ki, bu vəzifəyə general-mayor Güloğlan Muradlı gətirilib. General Muradlı bu təyinata qədər DGK-nın Əməliyyat-İstintaq Baş İdarəsinin rəisi vəzifəsində çalışıb

14 fevral