17 yaşlı oğlan bütün ailəsini güllələyərək öldürüb

İstanbulun Eyüpsultan rayonunda 17 yaşlı B.Y atasını, anasını, bacısını və nənəsini güllələyib.

Sonxeber.az türk mediasına istinadən xəbər verir ki, hadisə Derin küçəsindəki 3 mərtəbəli yaşayış binasının 3-cü mərtəbəsində baş verib.

Bacısının evinə gələn Sevinc.İ bütün ailə üzvlərinin qan içində yerdə uzandığını görüb və dərhal vəziyyəti polisə xəbər verib.

Məlumat üzərinə hadisə yerinə polis və təcili tibbi yardım sövq edilib.

Polislər tərəfindən aparılan yoxlama zamanı nənə Fatma İncə (71), ata Mehmet Yenigün (43), ana Aysun Yenigün (42) və uşaqları Dilan Yenigünün (12) güllələnərək öldürüldüyü müəyyən edilib.

Küçədə və binada təhlükəsizlik tədbirləri görən polis qrupları hadisə yerində araşdırma apararkən ailənin 17 yaşlı oğlu B.Y.-nin hadisədən sonra evdən çıxaraq qaçdığını müəyyən edib.

Hadisə yerinin araşdırmalarından sonra meyitlər tibbi ekspertizaya aparılıb.

Hadisədən qısa müddət polis qrupları qatil şübhəlisi 17 yaşlı B.Y-ni Bursada saxlayıb.

Faktla bağlı istintaq başladılıb.

Telegramda izləyin