İki lisey şagirdini öldürən şübhəli gizləndiyi otaqda tutuldu - VİDEO

Şanlıurfanın Viranşehir rayonunda məktəb ərazisində baş verən silahlı döyüşdə lisey şagirdləri Ömər Faruk Çınar və Sümeyye Yeten həyatını itirib, 14 nəfər yaralanıb.

Sonxeber.az xarici mediaya istinadən xəbər verir ki, başlanılan araşdırmada hadisəni törədən şəxsin "silahla hədələmə" və "ictimai təhlükəsizliyə qəsdən təhlükə törətmək" cinayətlərində şübhəli bilinən, qaçan S.D adlı şəxsin olduğu müəyyən edilib.

İstintaq çərçivəsində Xüsusi Əməliyyat Polisi əməkdaşları uzun sürən səylərdən sonra şəxsiyyəti müəyyən edilən şəxsin yaşadığı ünvanda əməliyyat keçirib. Əməliyyat zamanı evə daxil olan polis əvvəlcə qətldə şübhəli bilinən S.D.-ni binadakı mənzillərdə tapa bilməyib.

Lakin, polis qrupu binanın daxilində apardığı ətraflı axtarış nəticəsində pilləkən qəfəslərində dəmir-beton və kərpiclərin arxasında quraşdırılmış təkərli mexanizmi görüb, dəmir-beton divarı sındıraraq otağa daxil olub və qaçan qətl şübhəlisini otaqda uzanmış vəziyyətdə yaxalayıb.

Saxlanılan şəxs sıx təhlükəsizlik tədbirləri altında polis bölməsinə aparılıb. Hadisə ilə bağlı araşdırmalar davam edir.

Telegramda izləyin