Uşaqları yalan danışmağa vadar edən səbəblər hansılardır? - AÇIQLAMA

Uşaqlarda çox hallarda yalan danışdıqlarını müşahidə edən valideyinləri bu vəziyyət hər zaman narahat edir.

Bəs, uşaqlar əsasən hansı hallarda yalan danışa bilir? Belə vəziyyətdə valideyinlər nə etməli və bunun təkrarlanmamağı, uşağın bir daha yalan danışmamağı üçün necə davranmalıdır?

Mövzu ilə bağlı Sonxeber.az-a psixoloq Aynur İsmayılova danışıb.

O, açıqlamasında qeyd edib ki, əgər uşaq yalan danışmağı bacarırsa, bu o deməkdir ki, valideyinlərindən belə bir belə bir nümunə görüb və götürüb:

"Uşaqlar yalan danışmağı, əsasən, valideyinlərdən öyrənirlər. Belə ki, heç bir uşaq yalan danışmağı doğulan andan bilmir. Misal üçün, əgər valideyin deyirsə ki, biz bunu belə edək, amma nənə bilməsin, nənə isə gəlib yaranan situatsiya ilə bağlı sual verəndə ana, ata uşağın bildiyi reallığı, doğrunu nənəyə və ya başaqa birinə yalan formada çatdırırsa uşaq da bunun normal olduğunu qəbul edir. Hər bir uşaq əsas tərbiyəni, yalan danışmaq kimi davranışları ailədən öyrənir və getdikcə bunun normal hal kimi qəbul edir. Ən çox isə uşaqlar cəzalanmaq qorxusundan yalan danışmağa başlayırlar. Belə ki, əgər ata, ana avtoritet valideyindirlərsə və uşağa fərqli formada cəzalar verirlərsə , uşaq da yaranan sitautsiyalarda cəza almamaq üçün yalana yönəlir. Əgər, uşağın hər zaman doğru danışmağını istəyirlərsə onlara qarşı "mənə yalan danışma" əvəzinə, "mən bilirəm ki, sən mənə doğrunu söyləyəcəksən" ifadəsini işlətməlidirlər. Belə olan halda uşaq və valideyin arasında güvən yaranır".

Vüsalə İbrahimli

Telegramda izləyin