"Ağdam şəhərində istehsal müəssisələrinin qurulması planları var" - AÇIQLAMA

"İşğaldan azad olunmuş bölgələrdə ilk növbədə ekoloji avtomobillər üçün şarj məntəqələri quraşdırılıb. Bu gün biz həmin ərazilərə getdikdə, orada avtomobillərimizi arxayın şəkildə şarj edə bilirik. Hazırda bir neçə sənaye zonlarında avtomobil yığımları da var".

Bunu Sonxeber.az-a AADA ictimai birliyinin icraçı direktoru Eyyub Əliyev danışıb:

O, açıqlamasında qeyd edib ki, gələcək zamanda Azərbaycandan başqa ölkələrə avtomçobillərin satışı da baş tuta bilər:

"Elektrik avtomobillərinin yığımı məsələsi bu gün hazır, işlək zavodlarda olması aktualdır. Buna Neftçala Sənaye zonası, Hacıqabul Sənaye zonası, Naxçıvan avtomobil zavodu vəs, misal çəkmək olar. Yəni, bunlarda yığılması hal-hazırda daha əlverişlidir. Elektrik avtobuslarının yığılması ilə bağlı işlər isə Sumqayıtdakı Sənaye zonasında gedir. Amma, işğaldan azad olunmuş ərazilərdə hər hansısa bir zavodun qurulması, artıq həmin bölgəyə bir sərmaye yatırılması deməkdir. Bu isə gələcək zamanda niyə də olmasın. Misal üçün, bizim Ağdam kimi sənaye şəhərimiz var. Ağdam şəhərində istehsal müssisələrinin qurulması planları var və hətta bəziləri qurulur. Ölkəmizdə avtomobilə təlabat çoxdur, avtoparkımız yenilənməlidir. Azərbaycandan da başqa ölkələrə avtomobillərin satışı baş tuta bilər. Bir sözlə bu gələcyin planıdır və hər şeyi zaman göstərəcək".

Vüsalə İbrahimli

Telegramda izləyin