Qadın mübahisə etdiyi ərini güllələdi

Çayırova rayonunda F.A. adlı qadın əri Seyithan Adırla mübahisə zamanı onu silahla vuraraq öldürüb.

Sonxeber.az türk mediasına istinadən xəbər verir ki, hadisə ötən gün saat 22:00 radələrində Atatürk Məhəlləsində, tütün məmulatları satılan mağazada baş verib.

Belə ki, F.A məlum olmayan səbəbdən əri Seyithan Adırla mübahisə etməyə başlayıb. Mübahisə getdikcə davaya çevrilib. Bu zaman F.A silahla ərini güllələyib.

Qadın daha sonra qonşuluqdakı mağazaya gedərək ərini güllələdiyini deyib və oradakılardan təcili tibbi yardıma məlumat vermələrini istəyib.

Vətəndaşların xəbəri ilə hadisə yerinə polis və təcili tibbi yardım göndərilib. Qısa müddətdə hadisə yerinə gələn həkimlər Seyithanın öldüyünü müəyyən ediblər. 5 uşaq anası F.A saxlanılıb.

İfadəsi alınan qadın məhkəmə tərəfindən həbs edilərək həbsxanaya göndərilib.

Telegramda izləyin