Məktəbdə müəllim 8 yaşlı şagirdini bıçaqlayıb öldürdü

Cənubi Koreyada müəllim 8 yaşlı şagirdini bıçaqlayıb

Sonxeber.az xarici mediaya istinadən xəbər verir ki, hadisə Seo rayonunda baş verib. Qızları məktəbdən evə qayıtmayan ailə polisə onun itkin düşdüyünü bildirib.

Polis məktəbə gedib və sinif otaqlarının birində bıçaq xəsarətləri olan iki nəfəri aşkar edib. Yaralılardan birinin 8 yaşlı qız, digərinin isə müəllim olduğu müəyyən edilib.

Onlar dərhal xəstəxanaya çatdırılıb. Kiçik qız həkimlərin bütün müdaxilələrinə baxmayaraq həyatını itirib. Boynundan və qolundan bıçaq xəsarətləri alan 40 yaşlı müəllim isə müdaxilələrdən sonra sağalıb.

Polis qətli müəllimin törətdiyindən şübhələnərək araşdırma başladıb.

Faktla bağlı istintaq davam edir.

Telegramda izləyin