Vəhşi pələng 24 saat ərzində bir ailənin iki üzvünü öldürdü

Hindistanın Karnataka əyalətinin Kodaqu rayonunda pələng 24 saat ərzində eyni ailənin iki üzvünü öldürüb.

Sonxeber.az xarici mediaya istinadən xəbər verir ki, hücumlar Nagarahole Milli Parkının sərhədindəki Badaga kəndində baş verib.

İlk hücumda 18 yaşlı Çetan pələng tərəfindən öldürüldü və onun yarı yeyilmiş cəsədi bazar günü axşam Kodaqunun Ponnampet bölgəsindəki Badaga kəndində tapılıb. İkinci hadisədə isə pələng bazar ertəsi səhər saat 7 radələrində 75 yaşlı Racuya hücum edib.

Racunun cəsədi Çetanın cəsədinin tapıldığı yerdən 200 metr aralıda görünüb.

Meşə işçiləri yaxınlıqdakı kəndlərdə axtarışdadır, baytarlar isə öz növbəsində pələng aşkar edilərsə, onu yatırmaq üçün hazır vəziyyətdədirlər.

Kənd sakinləri pələngin ətrafda tez-tez görünməsindən və ev heyvanlarına hücum etməsindən şikayətləniblər. İki ölümdən sonra Ponnampet rayonunda Choorikadu, Palleri, Kutta, Nalkeri və ətraf kəndlərin sakinləri ərazidə gəzən pələngə görə təşvişə düşüblər.

Telegramda izləyin