Parkda düşən davaya müdaxilə edən mühafizəçi bıçaqlandı

Bursada parkda iki qrup arasında çıxan davaya müdaxilə etməyə çalışan mühafizəçi dönər bıçağı ilə ayağından vurulub.

Sonxeber.az türk mediasına istinadən xəbər verir ki, Yıldırım rayonunda baş verib.

Belə ki, iki qrup arasında başlayan və səbəbi hələlik məlum olmayan dava getdikcə böyüyüb. Bu zaman mühafizəçi Mücahit Tilci davaya müdaxilə etmək istəyib. Lakin onu ayağından dönər bıçağı ilə vuraraq yaralayıblar.

Ətrafdakıların məlumatı ilə hadisə yerinə təcili tibbi yardım və polis sövq edilib. Yaralı təcili xəstəxanaya aparılıb. Həkimlərin müdaxiləsindən sonra onun vəziyyətinin yaxşı olduğu bildirilib.

Polis şübhəliləri saxlamaq üçün istintaq başladıb.

Telegramda izləyin