17 yaşlı oğlan mübahisə etdiyi dönərçini görün hansı səbəbdən güllələdi

Adanada 17 yaşlı yeniyetmə mübahisə etdiyi dönərçini öldürüb.

Sonxeber.az türk mediasına istinadən xəbər verir ki, hadisə saat 00.30 radələrində Adananın Seyhan rayonunun Tellidere qəsəbəsində baş verib. Belə ki, A.E (17) adlı şəxs gecə dönər restoranının qarşısında gözləyərkən dönərçilərdən biri ona "nə baxırsan" deyib. Bu zaman onlar arasında mübahisə yaranıb.

Mübahisə zamanı A.E. belindəki tüfəngi götürərək hədəfindən asılı olmayaraq iş yerinə atəş açmağa başlayıb.

Hadisə nəticəsində dönərxananın sahibi Fevzi Güçlü qarnından güllə yarası alaraq yerə yıxılıb. A.E. dərhal hadisə yerindən qaçıb.

Ətrafdakı vətəndaşlar hadisə yerinə polis və təcili tibbi yardım çağırıblar. Xəbər üzərinə ünvana gələn həkimlər şəxsin öldüyünü müəyyən ediblər. Meyit tibbi ekspertizaya aparılıb.

Polis qaçan şübhəlini evində saxlayıb. O ilk ifadəsində "mənə "nə baxırsan" dedikləri üçün güllələdim" deyə bildirib.

Faktla bağlı başladılan istintaq davam edir.

Telegramda izləyin