Qadın duşda gizli kamera aşkarladı: idman salonunda araşdırma başladı

İzmirin Karşıyaka rayonunda fəaliyyət göstərən idman salonunun duş bölümündə gizli kamera obyektivi aşkarlanıb.

Sonxeber.az xarici mediaya istinadla xəbər verir ki, hadisə "SlimShape" adlı idman salonunda baş verib. Duşdan istifadə edən H.C. adlı qadın müştəri ərazidə gizli kamera obyektivini görərək onu mobil telefonu ilə qeydə alıb. Daha sonra çəkdiyi görüntülərlə birlikdə polisə müraciət edən qadın şikayətçi olub.

Hadisədən sonra müəssisənin sahibi Rüya Doğan Arsalı açıqlama verərək kameranın salona sonradan və kənardan yerləşdirildiyini iddia edib. O, hadisənin rəqib tərəfindən təşkil olunan təxribat və brendə qarşı kampaniya olduğunu bildirib.

Arsalının sözlərinə görə, hadisə baş verən zaman özü müəssisədə olmayıb. O, şübhəli vəziyyətdən xəbər tutan kimi polisə məlumat verdiklərini deyib.

"Filialdan bir şəxsin şübhəli hərəkətlərlə video çəkərək sürətlə oradan uzaqlaşması barədə məlumat aldım. Xanım çəkdiyi video ilə birlikdə müəssisədən qaçaraq çıxıb və ona səslənsək də, əlaqə saxlaya bilmədik. Biz də dərhal iddia edilən vəziyyətlə bağlı hər hansı qanunsuzluğun olub-olmadığını müəyyənləşdirmək üçün polis çağırdıq. Bu müddətdə hətta öz əməkdaşlarımızın belə içəri daxil olmasına icazə vermədik", - deyə müəssisə sahibi bildirib.

İşletmə rəhbərliyi hadisə ilə bağlı bütün kamera görüntülərini polisə təqdim etdiyini və məsələ ilə bağlı hüquqi proses başladıldığını açıqlayıb. Gizli kameranın kim tərəfindən və nə zaman yerləşdirildiyi isə aparılan araşdırmadan sonra müəyyənləşəcək.

Telegramda izləyin