İki ayrı rayonda ard-arda iki nəfərin meyiti tapıldı

İstanbulun iki ayrı rayonunda 24 və 40 yaşlarında iki şəxsin meyiti aşkarlanıb.

Sonxeber.az xarici mediaya istinadla xəbər verir ki, hadisələrdən biri Başakşehir rayonunun Güvercintepe məhəlləsində baş verib. Boş ərazidə hərəkətsiz vəziyyətdə yatan şəxsi görən vətəndaşlar 112 Təcili Çağrı Mərkəzinə məlumat veriblər. Hadisə yerinə polis və təcili tibbi yardım əməkdaşları göndərilib.

Həkimlərin müayinəsi zamanı şəxsin öldüyü müəyyən edilib. Polis əməkdaşlarının apardığı araşdırma nəticəsində meyitin 24 yaşlı Eray Deniz Sarıya məxsus olduğu müəyyənləşdirilib.

Digər hadisə isə Fatih rayonunun Mevlanakapı məhəlləsində, tarixi qala divarlarının ərazisində qeydə alınıb. Burada hərəkətsiz vəziyyətdə yatan şəxsi görən vətəndaşlar aidiyyəti qurumlara xəbər veriblər. Hadisə yerinə gələn ekipaj şəxsin həyatını itirdiyini müəyyən edib.

Aparılan ilkin araşdırmalar zamanı meyitin 40 yaşlı İsa Çama məxsus olduğu müəyyənləşdirilib.

Hər iki şəxsin cəsədi hadisə yerində aparılan ekspertiza işlərindən sonra ölümün dəqiq səbəbinin müəyyənləşdirilməsi üçün Adli Tibb Qurumunun morquna aparılıb.

Faktlarla bağlı araşdırma başlanılıb.

Telegramda izləyin