"Dəmir qapaq qar yağdığına görə yerindən oynayıb" - AÇIQLAMA

Ötən gün yolda hərəkət edərkən gənc qız ağzı açıq lükün içinə düşüb. Belə ki, hadisə Nərimanov rayonunda baş verib. Ətrafdakı insanların köməkliyi ilə gənc qız düşdüyü lükdən çıxarılıb. Yaşananlar ətrafdakı vətəndaş tərəfindən telefonla qeydə alınıb. Bəs, belə halın bir daha təkarlanmamağı üçün hansı addımlar atılıb?

Bununla bağlı Sonxeber.az-a "Azərsu" ASC-nin mətbuat xidmətinin rəhbəri Ceyhun Musaoğlu danışıb.

O, açıqlamasında qeyd edib ki, sözügedən lükün qapağı yenisi ilə əvəz edilib:

"Tullantı, su axıdılması üçün nəzərdə tutulan quyunun üzərindəki dəmir qapaq qar yağdığına görə yerindən oynayıb. Üstünü də qar örtdüyü üçün və həmin zaman oradan keçən sakin ayağını sözügedeən qapağın üstünə qoyub. Qapaq da yerindən qaçdığı üçün də belə bir hadisə baş verib. Hadisə baş verən kimi, anındaca həmin hissə qardan təmizlənib və qapaq yenisi ilə əvəz edilib. Halbuki, qapağın yensi ilə əvəzlənməsinə ehtiyac yox idi. Ancaq, yensi ilə əvəzləndi ki, daha möhkəm və etibarlı olsun".

Vüsalə İbrahimli

Telegramda izləyin