Vəzifəsi yüksələn iş yoldaşını qısqandığı üçün zəhərlədi

Braziliyanın Abaida de Goias şəhərindəki tekstil fabrikində işləyən qadın vəzifədə yüksələn iş yoldaşını zəhərləməyə cəhd edib.

Sonxeber.az xarici mediaya istinadən xəbər verir ki, sözügedən qadın iş yoldaşının vəzifəsinin yüksəldiyini öyrəndikdən sonra qısqanclıqdan hissinə qapılıb. O, bir anlıq qəzəblə iş yoldaşının su şüşəsinə kimyəvi maddələr töküb.

Su qabından su içən zərərçəkən ağzında yanma hiss edib və həkimə müraciət edib. Vaxtında müraciət etdiyi üçün onun sağlamlığında bir problem olmayıb. Lakin, suyuna zəhər qatması barədə iş yoldaşından şübhələndiyi üçün polisə şikayət edib.

Hadisə yerli polis tərəfindən tez bir zamanda araşdırılıb. İş yerinin kamera görüntüləri izlənilib və şübhəli ötən cümə axşamı, hadisədən təxminən iki həftə sonra həbs olunub.

Qadın indi adam öldürməyə cəhddə ittiham olunur və günahı sübuta yetirilərsə, onu 6 ildən 20 ilədək həbs cəzası gözləyir.

Telegramda izləyin