Küçədə oynayan uşaqlar tərəfindən boş ərazidə döl aşkar edildi

İstanbulun Güngören qəsəbəsində boş ərazidə oynayan uşaqlar tərəfindən döl tapılıb.

Sonxeber.az türk mediyasına istinadən xəbər verir ki, dölün 6 aylıq olduğu müəyyən edilib.

Hadisə axşam saatlarında İstanbulun Güngören qəsəbəsinin Günəştəpə məhəlləsində baş verib. İddialara görə, küçədə boş ərazidə oynayan uşaqlar tərəfindən daşların arasında gizlədilmiş ölü döl aşkarlanıb.

Uşaqlar vəziyyətlə bağlı ailələrini məlumatlandırdıqdan sonra vətəndaşların xəbəri ilə hadisə yerinə polis və tibb qrupları göndərilib.

Aparılan araşdırmalardan sonra müəyyən edilib ki, 6 aylıq hamilə qadın dərman qəbul edib və uşağı salıb, ölü döl isə boş sahəyə atıb.

Hadisədən sonra qadın və uşağın atası olduğu düşünülən şəxs polis qrupları tərəfindən müəyyən edilərək saxlanılıb. Araşdırma bitdikdən sonra ərazidə tapılan döl Ədliyyə Tibb Təşkilatı meyitxanasına göndərilib.

Telegramda izləyin