Maldiv adalarından paylaşım etdi: Hamı eyni sualı verdi

Son həftələrdə Paris və Milan Moda Həftələrinə qatılaraq beynəlxalq arenada adından söz etdirən Hande Erçel dəbli kombinasiyaları ilə moda çevrələrindən və pərəstişkarlarından tam qiymət aldı.

Sonxeber.az türk mediyasına istinadən xəbər verir ki, gərgin iş qrafikindən sonra qısa fasilə verən gözəl aktrisa sosial media paylaşımları vasitəsilə yeni tropik tətilə getdiyini açıqlayıb.

Hande Erçelin eşq həyatı da pərəstişkarları tərəfindən yaxından izlənir. Uzun müddətdir iş adamı Hakan Sabancı ilə xoşbəxt münasibətdə olan gözəl aktrisa son həftələrdə ortaya çıxan ayrılıq dedi-qodularını açıq şəkildə təkzib edib.

O, Parisdən qayıdarkən hava limanında mətbuat mənsublarına verdiyi açıqlamada "İşlə bağlı getdiyim üçün Hakan yanımda deyildi. Adətən iş səfərlərimdə mənimlə gəlmir, daha çox bayramlarda bir yerdə oluruq",- deyib.

Bu açıqlamadan sonra bütün gözlər Sabancının Erçelin yeni tətilində onunla birlikdə olub-olmadığına çevrilib. Lakin gözəl aktrisanın Maldiv adalarından paylaşılan fotolarda tək olması diqqət çəkib. Şəkillərin altındakı şərhlərdə isə "Tətilə tək gedib, yoxsa Sabancı yenə kamera arxasındadır?" kimi suallar yer alıb.

Telegramda izləyin