Avtobus və yüngül ticari avtomobil toqquşdu: 1 ölü, 2 yaralı var - VİDEO

İsparta şəhərində şəhərlərarası sərnişin avtobusu ilə yüngül ticarət maşınının toqquşması nəticəsində baş verən qəzada 1 nəfər ölüb, 2 nəfər yaralanıb.

Sonxeber.az xarici mediyaya istinadən xəbər verir ki, qəza səhər saat 06:30 radələrində Çünür məhəlləsi Süleyman Dəmirəl küçəsində baş verib.

Əldə edilən məlumata görə, S.E.-nin idarə etdiyi "Erova Turizm"ə məxsus 60-ER-814 dövlət nömrə nişanlı şəhərlərarası sərnişin avtobusu yolayrıcından dönmək istəyən "Hyundai" markalı, 07-DD-409 dövlət nömrə nişanlı yüngül ticari avtomobillə toqquşub.

Qəzaya şahid olan vətəndaşlar xəbər verdikdən sonra hadisə yerinə polis və tibbi qrupları sövq edilib.

Həkim qrupları tərəfindən aparılan yoxlamalar zamanı yüngül ticari avtomobilin sürücüsü Uğur Saltının hadisə yerində öldüyü müəyyən edilib. Nəqliyyatda olan N.S. və L.S. ilk müdaxilələrdən sonra təcili yardım maşını ilə xəstəxanaya aparılıb. Qəza ilə bağlı araşdırmalara başlanılıb.

Telegramda izləyin