İrandakı güclü partlayışda ölənlərin sayı 70-ə çatdı

İranın Bəndər Abbas şəhərində yerləşən Şahid Rəcai limanında baş verən partlayışda həlak olanların sayı 70 nəfərə çatıb.

Oxu.Az xəbər verir ki, bunu "Mehr" agentliyinə Hormozqan əyalətinin böhran vəziyyətləri üzrə səlahiyyətlisi bildirib.

Agentlik həmçinin yanğının söndürülmə işlərinin başa çatdığını qeyd edib.

20:54

Bəndər Abbas limanında baş verən partlayış nəticəsində ölənlərin sayı 65 nəfərə çatıb.

Oxu.Az "Azad İran"a istinadən xəbər verir ki, bunu İranın Hormozqan əyalətinin valisi bildirib.

O qeyd edib ki, yanğının söndürülməsi ilə paralel olaraq xilasetmə işləri də davam etdirilir.

13:36

İranın cənubundakı Şəhid Rəcai limanında baş verən partlayış nəticəsində ölənlərin sayı artıb.

Oxu.Az-ın xəbərinə görə, bu barədə "Mehr" agentliyi məlumat verib.

Məlumata görə, ölənlərin sayı 46-ya çatıb.

Həmçinin bildirilir ki, 138 nəfər hələ də xəstəxanadadır və onlara yardım göstərilir.

Telegramda izləyin