Bu sular pulsuz satılır - FOTO

ABŞ-nin Texas ştatının Austin şəhərində qablaşdırılan sular pulsuz satılır, daha dəqiq desək, pulsuz paylanılır.

Ölkə.Az xəbər verir ki, "free water" adlanan bu suların alıcılara pulsuz verilməsinin səas səbəbi isə reklam gəlirləridir.

Belə ki, "Free Water" startapı təbii bulaq suyunu alüminium butulkalar və ya kağız qutularda qablaşdıraraq pulsuz paylayır.

Bu qablaşdırmaların üzərində reklamlar yerləşdirilir və reklam gəlirləri suyun istehsal və paylanma xərclərini qarşılayır.

"FreeWater" suyun insan hüququ olduğunu vurğulayaraq, hər bir içki üçün 10 senti xeyriyyə təşkilatlarına bağışlayır. Bu təşkilatlar, əsasən, Şərqi Afrikada su quyularının qazılması və təmiz suya çıxışın təmin edilməsi ilə məşğuldur.

"FreeWater" startapının təsisçi və baş icraçı direktor Coş Kliffordsdur və 2021-ci ildə yaradılıb. Coş bütün ömrünü qeyri-kommersiya və xeyriyyə təşkilatları ilə işləyib. Bu məkanlarda işlədikdən sonra o, dünyanın hər yerində qaçqınların hər gün üzləşdiyi su qıtlığını görüb. Kliffords Şərqi Afrikadakı icmaları pulsuz, təmiz su ilə təmin etmək və infrastruktur qurmaq üçün kommersiya məqsədli həll yolu axtarıb və bu üsulu tapıb.
Qeyd edilir ki, amerikalıların yalnız 10%-i "FreeWater"i seçsəydilər, qlobal su böhranını həmişəlik həll edə bilərdilər.

Bənzər təşəbbüslər Hindistanda da mövcuddur. Məsələn, "FreeH2O" və "Freee Pani" adlı şirkətlər, reklamlarla maliyyələşdirilən və hər bir butulka üçün xeyriyyə təşkilatlarına müəyyən məbləğdə ianə edilən pulsuz su paylama proqramları həyata keçirirlər.

Telegramda izləyin