Ernest Heminqueyin nəvəsi kimdir? - Evində ölü tapılan model

O, Cek Heminquey və Bira Luizin ailəsində doğulmuşdu. Xarici görünüşü sayəsində – uzun boylu, arıq və sarı saçlı klassik Amerika gözəli tərzində dünyanın ən məşhur jurnallarının üz qabığında yer alırdı.

Lent.az xarici mediaya istinaən xəbər verir ki, 1970-ci illərdə Marqo 1 milyon dollarlıq qonorar alan ilk model olub.

Lakin şöhrət öz "şeytanlarını" da gətirib. 1970-ci illərin Nyu-Yorkunda məşhur olan hər kəs kimi Marqo da Endi Varhol, Biansa Yager və Liza Minnelli ilə "Studio 54" klubuna gedirdi. Elə orada onun kokain və alkoqol asılılığı başlayıb. Bu isə nəticədə depressiyasını daha da ağırlaşdırıb.

Marqo həm də kinoda rol alırdı. Onun debüt rolu "Pomada" (1976) adlı zorlanma və intiqam haqqında olan filmdə olub. Bu filmdə o, 14 yaşlı bacısı Mariyel və aktrisa Ann Benkroft ilə birgə rol almışdı. O illərdə film layiqincə qiymətləndirilməmişdi, amma sonralar uğur qazandı və hətta kult film adlandırılıb.

Marqo həmçinin dəbli jurnallar üçün, o cümlədən Playboy üçün çəkilişlər edib. Onun sağlamlığına ciddi zərbə vuran hadisə isə xizək qəzası olub. Bu qəza nəticəsində çəkisi 91 kiloqrama qədər artıb.

Heminquey həm də qidalanma pozuntuları ilə mübarizə aparıb. Ailə üzvləri ilə münasibətləri gərgin olub, xüsusən də 1990-cı illərdə atasının – Cekin onu uşaqlıqda istismar etdiyini iddia etdikdən sonra. Ailə bu iddianı inkar edib və onunla əlaqəni kəsib.

İki uğursuz evlilik, iflasa uğrayan kino karyerası və reabilitasiya mərkəzlərində keçən vaxtdan sonra Heminquey 1996-cı ildə faciəvi şəkildə vəfat edib – cəmi 42 yaşında.

İyulun 1-də Santa Monikadakı mənzilində ölü tapılıb. Ölüm tarixi dəqiq müəyyənləşdirilməyib. Toksikoloji hesabatda onun ölümcül doza dərman qəbul etdiyi bildirilib.

Telegramda izləyin