Qaçırmaq istədikləri qadın müqavimət göstərdiyi üçün küçənin ortasında öldürdülər - VİDEO

İstanbulun Şişli rayonunda günorta saatlarında dəhşətli qadın qətli törədilib.

Sonxeber.az türk mediyasına istinadən xəbər verir ki, 34 yaşlı Bahar Aksu keçmiş əri və onunla birlikdə olan şəxslər tərəfindən küçənin ortasında zorla qaçırılmaq istəyib. Aksunun müqaviməti və kömək çığırtıları ətrafdakıların diqqətini cəlb edib.

Yayımlanan görüntülərdə keçmiş əri Bahar Aksunu zorla avtomobilə mindirməyə çalışıb. Lakin gənc qadın müqavimət göstərdiyi üçün odlu silahla vurularaq qətlə yetirilib. Hadisə zamanı ətrafa yayılan kömək çığırtıları ürəkləri dağlayıb.

Qətldən sonra hadisə yerinə gələn polis əməkdaşları hadisə ilə əlaqəli olduğu ehtimal edilən 3 nəfəri saxlayıb. Araşdırma davam edir.

Telegramda izləyin