İlk iş günündə 4-cü mərtəbədən yıxılaraq öldü

Antalyada inşaatda çalışan 26 yaşlı şəxs ilk iş günü 4-cü mərtəbədən yıxılaraq həyatını itirib.

Sonxeber.az türk mediasına istinadən xəbər verir ki, hadisə səhər saat 09:00 radələrində Sakarya Bulvarı 2566 küçəsində tikilməkdə olan 5 mərtəbəli binada baş verib.

Belə ki, ilk iş günündə olan xarici vətəndaş Muhammed Mirrey (26) binanın 4-cü mərtəbəsində qəlibləri sökərkən naməlum səbəbdən beton döşəməsinin üzərinə düşüb.

Məlumat üzərinə hadisə yerinə təcili tibbi yardım sövq edilib. Ünvana gələn həkimlər Mirreyin öldüyünü müəyyən ediblər. Onun meyiti tibbi ekspertizaya aparılıb. Hadisə ilə bağlı araşdırma başladılıb.

Telegramda izləyin