Çin alimləri iynəsiz qrip peyvəndi hazırladılar

Çinin Honq Konq Universitetinin alimləri iynə istifadə etmədən tətbiq oluna bilən və qripə qarşı daha güclü qorunma təmin edən yeni qrip peyvəndi hazırlayıblar.

Sonxeber.az Medicina.az-a istinadən xəbər verir ki, professor Leo Poon Litmanın rəhbərlik etdiyi tədqiqat qrupu qripə qarşı iki unikal peyvənd hazırlayıb.

Bu innovativ metodların gələcək qripə qarşı peyvənd tədqiqatlarına əhəmiyyətli töhfə verəcəyi gözlənilir. Hər iki üsulun öz üstünlükləri var.

Professor Poon qeyd edir ki, burun yolu ilə istifadə edilən qrip vaksinləri uzunmüddətli qorunma təmin edir.

Bu, illik peyvəndlərə ehtiyacı azaltmaq potensialına malikdir. Siçanlar üzərində aparılan təcrübələrdə qripə qarşı yeni peyvəndlərin mövcud vaksinlərlə müqayisədə effektiv qorunma təmin etdiyi göstərilib.

Tədqiqatçılar hesab edirlər ki, bu peyvəndlərin uzunmüddətli təsiri səbəbindən hər il tətbiq edilməsinə ehtiyac olmaya bilər. Bu, qriplə mübarizədə mühüm addım hesab olunur.

Telegramda izləyin