Kubilay Aka və Hafsanur Sancaktutan evlilik yolunda ilk addımı atdı

Türkiyəli məşhur aktyorlar Kubilay Aka və Hafsanur Sancaktutan münasibətlərini rəsmiləşdirmək yolunda ilk addımı atıblar.

Sonxeber.az türk mediasına istinadən xəbər verir ki, təxminən doqquz aydır sevgili olan cütlük, nişanlanaraq evliliyə doğru irəliləyir.

Aka sevgilisi üçün xüsusi gecə təşkil edərək sürpriz evlilik təklifi edib. Romantik anların yaşandığı axşamda Sancaktutan təklifə "bəli" cavabı verib. Cütlük bu xoş xəbəri hələlik yalnız ailə və yaxın dostları ilə bölüşüb.

Cütlüyün yaxın zamanda toy tarixi ilə bağlı rəsmi açıqlama verəcəyi gözlənilir. Münasibətlərini gündəmdən uzaq tutmağa çalışan Sancaktutan və Aka bu addımları ilə yenidən medianın diqqət mərkəzinə düşüblər.

Xatırladaq ki, Kubilay Aka bir müddət əvvəl İbrahim Selimin proqramında sevgilisi ilə bağlı "soyadını dəyişərdim" zarafatı ilə evlilik niyyətini üstüörtülü ifadə etmişdi.

Telegramda izləyin