Hormonal problemlərin əlamətləri nələrdir? - Hansı halda həkimə getmək lazımdır?

Rusiyalı endokrinoloq Nuriya Vilarrasa hormonal problemlərə işarə edən əlamətləri açıqlayıb.

Oxu.Az xəbər verir ki, bu barədə o, "Infosalus" nəşrinə müsahibəsində danışıb.

Nuriya Vilarrasa bildirib ki, həddindən artıq yorğunluq, yuxu problemləri, səbəbsiz çəki dəyişiklikləri, əhvalın tez-tez dəyişməsi, dərinin vəziyyətinin pisləşməsi, saç tökülməsi və menstrual tsiklin pozulmaları kimi hallar baş verərsə, mütləq şəkildə hormonlar yoxlanmalıdır.

Bundan əlavə, onun sözlərinə görə, soyuğa və ya istiyə qarşı güclü həssaslıq, titrəmə və bağırsaq fəaliyyətində pozğunluqlar müşahidə olunarsa, Həkimə müraciət etmək vacibdir.

Həkim sağlam hormonal balansı qorumaq üçün rasiona zülallar, faydalı yağlar və mürəkkəb karbohidratlarla zəngin qidaların daxil edilməsini tövsiyə edib.

Nuriya Vilarrasa, həmçinin mütəmadi idman fəaliyyətinin vacibliyini vurğulayıb. Endokrinoloq insanları yuxu rejimini qaydaya salmağa, eləcə də stresə səbəb olan vəziyyətlərdən mümkün qədər uzaq durmağa çağırıb.

Telegramda izləyin