Məktəbdə müəllim şagirdinə: "Səni öldürəcəm"

İstanbulun Pendik qəsəbəsindəki Ergenekon orta məktəbində yazı taxtasına qalxan şagirdinə qarşı zorakılıq edən müəllimlə bağlı istintaq başladılıb.

Sonxeber.az türk mediasına istinadən xəbər verir ki, hadisə anı şagirdlər tərəfindən lentə alınaraq sosial mediada paylaşılıb.

Kadrlarda müəllimin şagirdə "Sən iyrəncsən, səni öldürəcəm" deyə qışqırması eşidilir.

Hadisədən sonra şagirdlərin ailələri məktəbə gedərək şikayət ərizələri təqdim ediblər. Müəllimin daha əvvəl Maltəpədə çalışdığı və nizam-intizam problemlərinə görə Pendikə göndərildiyi öyrənilib.

Görüntülər sosial şəbəkədə yayılandan sonra müəllimə qarşı inzibati araşdırma başlayıb. Hadisəni araşdırmaq üçün müfəttiş təyin edilib.

Telegramda izləyin