Yaponiyalı nazirin düyü etirafı ona baha başa gəldi - Barəsində sərt qərar verildi

Yaponiya Baş naziri Siqeru İsiba kənd təsərrüfatı naziri Taku Etonu qalmaqallı açıqlamaları səbəbi ilə vəzifəsindən uzaqlaşdırıb.

Oxu.Az-ın verdiyi məlumata görə, bu barədə "Kyodo News" agentliyi xəbər yayıb.

Qeyd edilib ki, bu, İsiba hökumətində ilk belə hadisədir və qarşıdan gələn parlament seçkisi ərəfəsində iqtidarın mövqeyinə mənfi təsir göstərə bilər.

Məsələ ondan başlayıb ki, Taku Eto ictimaiyyət arasında təəccüb və narazılıq doğuran bir açıqlama verib, bildirib ki, heç vaxt düyü almır, dəstək verənlər o qədər çox hədiyyə edirlər ki, hətta satmaq mümkündür.

Bu sözlər ictimai qınağa səbəb olub. Sosial şəbəkələrdə və mətbuatda sərt tənqidlər başladıqdan sonra nazir vəziyyəti yumşaltmağa çalışaraq bildirib ki, əslində o, düyü alır.

Bununla belə, yaranan qalmaqal fonunda Baş nazir Siqeru İsiba onu vəzifəsindən uzaqlaşdırmaq qərarına gəlib.

Telegramda izləyin