İki gündür axtarılan 17 yaşlı gəncin meşədən meyiti tapıldı

Maltepe rayonunda yerləşən Başıbüyük meşəsində 17 yaşlı gəncin meyiti aşkar edilib.

Sonxeber.az türk mediasına istinadən xəbər verir ki, hadisə şahidlərinin verdiyi məlumata görə, vətəndaşlar ağacların arasında hərəkətsiz vəziyyətdə yatan şəxsi görüblər və dərhal 112 Təcili Yardım Mərkəzinə məlumat veriblər.

Hadisə yerinə cəlb olunan təcili yardım əməkdaşları həmin şəxsin artıq həyatını itirdiyini müəyyən ediblər.

Polis əməkdaşlarının apardığı ilkin araşdırma zamanı meyitin iki gün əvvəl evdən çıxaraq itkin düşən 17 yaşlı Mustafa Altundereyə aid olduğu müəyyən olunub.

Hadisə yerindəki araşdırmalar başa çatdıqdan sonra Altunderenin meyiti ekspertiza üçün Ədli Tibb İdarəsinin morquna təhvil verilib. Onun dəqiq ölüm səbəbi aparılacaq tibbi ekspertizadan sonra məlum olacaq.

Faktla bağlı araşdırma aparılır.

Telegramda izləyin