8,5 kilometr hündürlükdən tullanan paraşütçü ölümlə üz-üzə gəldi

Çində paraşütçü 8,5 kilometr hündürlükdən tullanan zaman ölümlə üz-üzə gəlib.

Sonxeber.az türk mediasına istinadən xəbər verir ki, sərnişin təyyarələrinin uçduğu hündürlüyə aparılan idmançı bu anları mobil telefon kamerası ilə lentə alaraq sosial şəbəkədə paylaşıb.

Kadrlarda paraşütçün buzla örtülmüş paraşütündən yapışdığı və buludların arasından sürükləndiyi görünür.

İdmançı oksigen maskası olmadan nəfəs almaqda çətinlik çəkib, ən yüksək nöqtədə buludların üzərində yellənərkən bədəni tamamilə donub. Lakin o, hipoksiya yaşasa da, huşunu itirməyib. Onun həyatda qalması hər kəsi təəccübləndirib.

Hadisədən sonra başladılan araşdırmada paraşütçünün uçuş icazəsi almadığı, hava hesabatına məhəl qoymadığı və təhlükəsizlik qaydalarını pozduğu müəyyən edilib. Çin qanunlarına görə, bütün hava idman növləri əvvəlcədən rəsmi icazə tələb edir və qaydalara əməl etməyənlər cərimə və ya həbs oluna bilər.

Sosial şəbəkələrdə yayılan video paraşütlə tullanmanın risklərini və təhlükəsizlik tədbirlərinin vacibliyini bir daha ortaya qoydu.

Telegramda izləyin