Neandertal sənətkarın əsəri: 43 min illik barmaq izinin sirri açıldı

Alimlər İspaniyada tapılan bir daş üzərində neandertal insana aid ilk tam barmaq izini aşkarlayıblar. Onların fikrincə, bu iz qədim neandertal "rəssam" tərəfindən qaya üzərində qırmızı boya ilə insan üzü çəkilərkən qəsdən qoyulub.

Oxu.Az xəbər verir ki, bu barədə "Archaeological and Anthropological Sciences" jurnalında dərc olunan araşdırmada bildirilir.

Tapılan daşın yaşı təqribən 43 min il olaraq təyin edilib və onun yanında neandertallara aid alətlər də aşkar edilib.

Araşdırma müəllifləri bildiriblər ki, bu izlə birgə daş üzərindəki təbii çökəkliklər göz, burun və ağızı xatırladan üz təsviri yaradır.

Alimlər qeyd edirlər ki, bu daş funksional deyil, simvolik məna daşıyır və izlər ən qədim insan üzü təsvirlərindən biri ola bilər.

Mütəxəssislərin qənaətinə görə, "Homo Sapiens və "Homo Neandertalensis" eyni dərəcədə abstrakt təfəkkürə sahib ola bilərdilər.

Telegramda izləyin