İbrahim Tatlıses: "O iki şəxs mənim cənazəmə gəlməsin"

Türkiyənin məşhur sənətçisi İbrahim Tatlıses illərdir içinə yığdığı küskünlükləri açıq şəkildə dilə gətirərək, bəzi insanları ömrünün sonuna qədər bağışlamayacağını bildirib.

Sonxeber.az xəbər verir ki, kim olduqlarını açıqlamasa da, biri qadın, biri kişi olmaqla iki nəfəri nəzərdə tutan Tatlıses bu şəxslərlə bağlı sərt ifadələr işlədib: "Nə cənazəmə gəlsinlər, nə də adımı anssınlar. Mənim üçün fərqi yoxdur. Məni itirəndə göz yaşı töksələr də, vecimə deyil. Həyatımda yerləri yoxdur, olmayacaq da. Cənazəmə gəlməsinlər. Sevənlərim onları görəndə reaksiya versin. Onlara bağışlamaq yoxdur – üzr istəsələr belə, yox!"

Tatlıses həmçinin bu şəxslərlə eyni şəhərdə yaşamaq istəmədiyini bildirib: "Sırf onların nəfəs aldığı yerdən uzaqlaşmaq üçün İzmirə köçdüm. Ehtiyac olsa, Bodrumu da tərk edərəm. Onların kölgəsi belə yetər artıq. Hətta məhkəməyə müraciət edib, mənə yaxınlaşmalarını qanuni olaraq qadağan etdirəcəyəm".

Sənətçi yalnız qırğınlıqlarından deyil, şəxsi həyatla bağlı hisslərindən də danışıb. O bildirib ki, qəlbini yenidən sevgi üçün açmaq istəyir, lakin ehtiyatlı davranır: "Həyatımı paylaşacaq biri olsun istəyirəm, amma içdən, dürüst birini tapmaq artıq çox çətindir. Bu dövrdə etibarın nə qədər dəyərli olduğunu daha yaxşı anlayıram" - deyə o, qeyd edib.

Telegramda izləyin