Bethovenin əsl üzü nümayiş olundu

İndi Lüdviq van Bethovenin "Ay işığı sonatası"nı və ya məşhur "Doqquzuncu simfoniyası"nı dinləyərkən hər birimiz bu klassik əsərlərin müəllifinin necə göründüyünü təsəvvür edə bilərik. Belə ki, Bethovenin əsl üzü ölümündən demək olar ki, 200 il sonra bərpa edilib.

Oxu.Az mk.ru-ya istinadən xəbər verir ki, bəstəkarın üzünün elmi rekonstruksiyası göstərir ki, o, həqiqətən də portretlərdəki kimi görünür.

Yeni tədqiqatın aparıcı müəllifi Sisero Moraes bəstəkarın kəllə sümüyünə əsaslanaraq, onun görünüşünün tarixdə ilk rekonstruksiyasını həyata keçirib. Obyektiv üz yaradıldıqdan sonra Moraes subyektiv xüsusiyyətləri, o cümlədən geyim və saçları əlavə edib. Bunun üçün o, 1820-ci ildə Yozef Karl Ştiler tərəfindən çəkilmiş Bethovenin məşhur portretindən istifadə edib.

Nəhayət, bəzi kiçik detallar süni intellektin köməyi ilə təkmilləşdirilib.

Telegramda izləyin