Stüardessalar niyə qırmızı dodaq boyası sürtürlər? – SƏBƏB

Keçmiş stüardessa sərnişinlərin həyatını qurtara biləcək qırmızı dodaq boyası sirrini izah etdi. 20 illik iş təcrübəsinə malik keçmiş stüardessa Hizer Pul internet istifadəçilərinin diqqətini stüardessaların parlaq qırmızı dodaq boyası sürtmək ənənəsinə dair gözlənilməz açıqlaması ilə cəlb edib.

Bu haqda Lent.az məlumat verir:

Onun sözlərinə görə, borta bələdçilərinin zahiri görünüşündəki bu detal yalnız estetik deyil, həm də praktik əhəmiyyət daşıyır – bu, bortdakı təhlükəsizlik məsələləri ilə əlaqədardır. "Cruising Attitude" adlı xatirə kitabında Hizer Pul qeyd edir ki, stüardessaların qırmızı dodaq boyası sadəcə geyim kodeksinin bir hissəsi deyil, həm də fövqəladə vəziyyətdə faydalı ola biləcək vacib alətdir. O bildirib ki, təyyarədə panika və səs-küy şəraitində sərnişinlər bəzən ekipajın təlimatlarını eşidə bilmirlər. Belə hallarda onların dodaq hərəkətlərini oxuması xüsusilə vacibdir, qırmızı dodaq boyası isə bu hərəkətləri daha aydın və nəzərəçarpan edir. Stüardessaların özləri arasında qırmızı pomadanın əhəmiyyəti ilə bağlı vahid fikir yoxdur. Bəziləri hesab edir ki, bu, təhlükəsizlikdən daha çox estetik məsələdir. Məsələn, təcrübəli stüardessa Kristina Ekşteyn-Nizkiyə görə, parlaq dodaq boyası – tanınan peşəkar imicin bir hissəsidir. Emirates kimi aviaşirkətlərdə onun istifadəsi rəsmi geyim kodeksi ilə tənzimlənir, hətta xüsusi vizaj kurslarında bu texnikaya öyrədilir. Bəzi stüardessalar, məsələn, Sidney Anizitin, qırmızı dodaq boyasını təhlükəsizlik məsələləri ilə bağlı olduğu fikrini qəbul etmirlər, amma təsdiqləyirlər ki, aviaşirkətlərdə zahiri görünüşə dair tələblər çox sərtdir. Onun sözlərinə görə, makiyajdan istifadə – fövqəladə hallara hazırlıqdan daha çox korporativ üslub elementidir. Lakin o, əlavə edir ki, aviaşirkətlər həqiqətən də obrazın hər detalına – saç rəngindən tutmuş xidməti çantanın modelinə qədər diqqət yetirirlər.

Telegramda izləyin