ABŞ-də zibil qutusundan 50 min dollarlıq rəsm əsəri tapıldı

ABŞ-də polis kanadalı məşhur rəssam Jan-Pol Riopelin Edmonton şəhərindəki qalereyadan oğurlanmış tablosunu tapıb.

Oxu.Az "Miami Herald"a istinadən xəbər verir ki, "Adsız, akvarel və kağız üzərində mürəkkəb" adlı əsər 6 dekabr 2021-ci ildə qalereyadan oğurlanıb. Oğrular qapını qıraraq bir neçə tablo ilə birlikdə bu əsəri də aparıblar. Polis oğruların izini tapa bilməyib və istintaq dayandırılıb.

Dörd il sonra Nyu-Yorkda bir şəxs bu əsəri hərraca çıxarmaq istəyəndə məlum olub ki, tablo zibil qutusundan tapılıb və dörd il boyunca şkafda saxlanılıb.

Əsərin hazırkı sahibi polis hesabatını gördükdən sonra onu sığorta şirkətinə qaytarmağa razılıq verib.

Qeyd edək ki, hələ 2022-ci ildə Riopelin bu əsərinin qiyməti 50,690-57,932 dollar arasında qiymətləndirilib.

Telegramda izləyin