Nüvə partlayışı zamanı harada gizlənək? - Alimlər müəyyən yerləri sadaladılar

Nüvə partlayışı zamanı bütün şəhərlər dərhal məhv edilə bilər, lakin ölümcül təhlükə hətta partlayışın episentrindən kənarda da yox olmur.

Oxu.Az-ın UNIAN-a istinadla verdiyi xəbərə görə, Nikosiya Universitetinin yeni araşdırması göstərib ki, şərti dağılmamış binalarda insan üçün ən təhlükəli yer partlayışın hava axınlarının keçdiyi məkandır.

Partlayış dalğası binaların içərisində elə güclü hava axınları yaratmağa qadirdir ki, onlar insanları havaya qaldırır və möhkəm şəkildə divarlara çırpır. Bu, ağır yaralanmalara və ya ani ölümə səbəb ola bilər.

Tədqiqatçılar vurğulayırlar ki, nüvə partlayışı zamanı ən çox xəsarət alanlar dəhlizlərdə və pəncərələrin yanında olanlar olacaq. Buna görə də, nüvə təhlükəsi zamanı qapı və pəncərələrdən mümkün qədər uzaqda gizlənməyi məsləhət görürlər və ən yaxşı seçim xarici divarlardan mümkün qədər uzaqda yerləşən pəncərəsiz daxili otaqlar ola bilər.

Onlar həmçinin izah edirlər ki, partlayışın təsiri partlamanın hündürlüyündən asılıdır: havada partlayışlar daha geniş ərazini əhatə edir, yerüstü partlayışlar isə yaxınlıqdakı obyektlərə daha güclü zərbə vurur.

Telegramda izləyin